31 Jul 2010 - 10 Aug 2010 東北追祭之旅 (DAY 4)
[Day 4] 03 AUG 2010 (八戸 > 弘前 - 弘前ねぶた祭)
[早餐]：コンフォートホテル八戸今晚住弘前，唔返八戸，要執一日行李。
今日繼續正常三餐，即係早餐又要喫飽啲，努力劈多兩件飯糰
。
08:52 - 09:54 八戸 > 青森
09:57 - 10:26 青森 > 弘前
其實八戸有直車去弘前，唔一定要向青森轉車，
咁點解小小要轉車？因為班直車早囉 07:10 - 08:53．．．
早成個幾鐘喎，情願訓多陣，轉車就轉車喇，橫豎轉車只係隔離月台。
10:26 到弘前，拿拿聲搵間酒店出嚟，放低啲行李，然後繼續行程。
又係因為之前賴過嘢，今日放低完行李，又立即衝去霸位。
早起的鳥兒有蟲吃，又霸到第一行，lucky！
霸完位，同財政大臣一路fing，睇睇附近有咩可以當午餐。
行咗幾條街，一係未開，一係唔啱胃口。
小小就動議，陣間都去津軽藩ねぷた村，索性向埋果樹開餐喇！
12:00 去津軽藩ねぷた村期間，咁啱經過日本キリスト教団弘前教会，影幅相先。
[早餐]：コンフォートホテル八戸今晚住弘前，唔返八戸，要執一日行李。
今日繼續正常三餐，即係早餐又要喫飽啲，努力劈多兩件飯糰
。08:52 - 09:54 八戸 > 青森
09:57 - 10:26 青森 > 弘前
其實八戸有直車去弘前，唔一定要向青森轉車，
咁點解小小要轉車？因為班直車早囉 07:10 - 08:53．．．
早成個幾鐘喎，情願訓多陣，轉車就轉車喇，橫豎轉車只係隔離月台。
10:26 到弘前，拿拿聲搵間酒店出嚟，放低啲行李，然後繼續行程。
又係因為之前賴過嘢，今日放低完行李，又立即衝去霸位。
早起的鳥兒有蟲吃，又霸到第一行，lucky！
霸完位，同財政大臣一路fing，睇睇附近有咩可以當午餐。
行咗幾條街，一係未開，一係唔啱胃口。
小小就動議，陣間都去津軽藩ねぷた村，索性向埋果樹開餐喇！
12:00 去津軽藩ねぷた村期間，咁啱經過日本キリスト教団弘前教会，影幅相先。
影完相，繼續行。
行到差唔多到津軽藩ねぷた村，小小先醒起，弘前駅隔離有得免費借單車，仲可以向津軽藩ねぷた村還車，點解咁豬頭炳？！唔踩車嚟？仲要健行嚟？
一到津軽藩ねぷた村，即刻問有無單車借喇，
有就有，但得一架．．．．無法喇，咁睇完嘢再睇睇有無單車借囉。
睇嘢之前，當然祭咗個五臟廟先喇，個肚行哂雷打哂鼓，就罷工喇！
[午餐]：津軽旨米屋（うまいや）
12:30 點左 八甲田山麓食肉鴨 1000円 (上) 鮭魚親子丼 980円 (下)
個名好似好勁既食肉鴨，即係漢堡扒，唔講你知係鴨，話佢係豬肉，牛肉，雞肉都得，但味道都ok。
鮭魚親子丼，味道普普通通喇，唔係好好食但又唔係難食。
。
喫飽，過番隔離，俾(500円 x 2) 入津軽藩ねぷた村。
一入去，就見到人表演三味線同打鼓。
兩條唔識欣賞三味線既茂李，襯啲阿婆同阿伯好專心欣賞既時候，
拿拿聲影相。
喫飽，過番隔離，俾(500円 x 2) 入津軽藩ねぷた村。
一入去，就見到人表演三味線同打鼓。
兩條唔識欣賞三味線既茂李，襯啲阿婆同阿伯好專心欣賞既時候，
拿拿聲影相。
若果唔係今晚睇祭，怕且都會留耐啲，
但今晚的的確確睇祭呀，家陣睇咁多影咁多相，無哂新鮮感時間會好難過。
好，收手！唔影咁多相！
但家陣先13:30，唔影相仲有好多個鐘先開始睇祭，就算有景點都行唔到咁耐，隻腳會跛架！
向呢個時候，財政大臣見到 [民工芸製作体験] 幾隻大字！
財政大臣：咁得閒，不如玩吓囉？！
就係咁，兩條茂李就鍾咗入[民工芸製作体験]。
左望右望，揀咗個最平既 [津軽土鈴(どれい)絵付け]～～ (500円 x 2)
500円包個土鈴，等你自己任畫，畫完你可以拎走。
無頭緒唔知畫咩的話，可以抄考人地啲範本。
兩條非常得閒既茂李，抄抄畫畫油油油，咁就磨咗個半鐘 ！
畫完土鈴，死心不息，又走去問多次有無單車借，
有喇有喇，今次有兩架呀！拿拿聲填表喇！
好開心咁填完表，諗住踩架戰車出發喇，點知．．．．．
．．．．．．架．．．．戰車．．．太高喇！
短腳小小騎唔到．．．．
唔踩車，咪繼續用腳行囉．．．15:00 出發去弘前城喇！
去到弘前城，買入場票，見到東北welcome card有折，(北東北welcome card優惠於2015年完結) 拿拿聲拎張welcome card出嚟曬命喇，原價300円 x 2，家陣240円 x 2。
出番嚟先發覺，原來向paid area出面都影到弘前城，唔上資料館連480円都可以慳番．．．
最笨既係呢個時間先醒起，剛才津軽藩ねぷた村，出示welcome card有入場八折優惠，但無做到囉．．．
行完弘前城，去番追手門出口，搵旧弘前市立図書館，旧東奥義塾外人教師館，青森銀行記念館呀果啲影相。
去到青森銀行記念館，撞正免費參觀日喎，明明無諗住行都入去行吓喇，唔好蝕呀！
17:30 今日健行咗咁耐，對腳都跛跛地，又返去個霸位地點，訓下街，等開show算囉！！！
19:00 開波！！！
19:00 開波，睇咗好似好耐，又望吓錶，20:00，心諗仲有一個鐘，
睇埋佢喇，再好似睇咗好耐都仲未完，又望吓錶，21:20喎，
仲有幾耐先完呀．．．再望下場刊，原來成八十幾個燈籠，
家陣先睇到六十幾，個肚頂唔順喇，好肚餓呀，要執嘢走人。
[晚餐]：とりでん弘前土手町店
21:45 又係邊走佬邊望有咩食喇，咁夜無咩幾樣揀喇，
行行吓見到とりでん弘前土手町店，個釜飯好似好美味，就入去喇。
一客三味手羽揚 (704円稅入) ，海老釜飯(767円稅入)，豚溫玉飯(830円稅入)。
炸雞翼有三款味，味道唔錯；海老釜飯有芝士香味，good good呀，
豚溫玉飯即係泡菜豬肉加隻蛋，辣辣地好香口。
又係唔錯既一餐。
今晚唔使坐車返八戸，訂咗弘前駅附近既一間酒店。
[住邊]：ビジネスホテル新宿
[是日消費]交通：0YEN
早餐：0YEN
午餐：1980YEN (津軽旨米屋（うまいや）)
入場：500YEN x 2 (津軽藩ねぷた村) + 500YEN x 2 (土鈴) + 240YEN x 2
小食：631YEN (飲料，薯片)
晚餐：2301YEN (とりでん弘前土手町店)
住宿：7,500YEN
－－－－－－－－－－
總共：14,892YEN
註：
- welcome card 向津軽藩ねぷた村有八折入場費優惠
- welcome card 向弘前城有八折入場費優惠
- 弘前有観光用無料貸自転車，幾個地點有得借，可以唔同地點還
- 弘前有100YEN巴士，唔一定要健行
沒有留言 :
發佈留言