[Day 5] 22 JAN 2008 (仙台 > 松島)
[早餐]：仙台駅 - Good Times Cafe(480YEN X 2)
諗唔到喫咩早餐，番兜 Good Times Cafe，今日係weekday，人多過上星期六好多，隻荷包蛋得五成熟就上枱。
食飽就上月台接由北海道坐夜車落嚟既龍生龍太，樂生樂太，再開始今日既六人行。
向異地接朋友，有種莫名奇妙既興奮感覺，見到佢地四個殘樣拖住個喼落車，又想笑又想擁抱佢地。
將四件大行李寄存向仙台駅locker後，今日既六人行正式開始～～～
先嚟坐JR去松島海岸駅，一出站右手邊買遊覽船船飛，PRINT左COUPON有特價，1460YEN變1260YEN (1260YEN X2)，六人浩浩蕩蕩向碼頭出發。
仁王丸準時10:00開船，一開船，小食部即刻放卡樂B蝦條出嚟賣，100YEN一小包。醒目既老公大人買左一包，六個傻仔輪住同海鷗玩。
原來要影海鷗食蝦條果一刻係好難，用連環快拍都影唔到。
一個鐘頭既船程咁就完左，即刻坐JR去東塩釡搵蠔食。
[午餐]：松木かき店のかき小屋 - 牡蠣 / 蠔 (3600YEN)坐JR由松島海岸去東塩釡話都無咁快，只需7分鐘車程。落車行大約10分鐘就到！
由於人多關係，個個都未試過開蠔，食放題唔多著數，叫左一客60隻蠔 (5400YEN)。
睇住一大桶蠔倒落鐵板，再由生等到熟，需時15分鐘！
熟左既蠔，原來唔難開，習習聲60隻蠔得番個縠，再encore 60隻～～
為食小小帶埋尋日買既青森蘋果嚟，食飽就切開呢隻大蘋果做飯後果一齊喫！
蠔：新鮮，唔需要加任何調味料都好味
青森蘋果：清甜，但無想像中咁好味，可能富士蘋果呢隻品種本身係咁
食飽又坐返JR去松島海岸。
行左唔使錢既雄島，瑞巖寺 (天黑黑無入場)，五大堂，松島漁市場 (細，一眼睇哂，好多舖無開，本來想喫個下午茶都無得喫，非常失望，)，浦福島要俾過橋費，向隔離影幅相就走人。
咁就行完松島，龍生龍太樂生樂太坐番JR去仙台再返落東京繼續佢地既HONEYMOON，我地就向松島大觀莊出發。
其實可以由松島海岸駅坐巴士去松島大觀莊，但我地時間多想試下行去。
三分鐘既車程，我地行左20分鐘，仲向松島大觀莊個後花園度玩左陣先去CHECK-IN。
CHECK-IN完，仲有一段時間先食晚餐，即刻呢段空檔去大浴場，浸住風呂睇風景喇。
大浴場OK大，有大玻璃望住松島海景，露天風呂容納到大約5-6個人，風景唔錯。
[晚餐]：ホテル松島大観荘訂房價錢只包環球放題，我地則每人加多630YEN，食日本海鮮放題。
食左大量刺身，有吞拿，蝦，帶子，蟹腳，海膽壽司，天婦羅，炸蠔，牛舌，玉子，燒蠔．．．
呢餐又係大滿足～～
食飽抖陣，再去多次大浴場。
[住邊]： ホテル松島大観荘
外觀一流，景觀一流，向海房景景觀都一流，有免費飲品提供至17:00，夕食新鮮，唯一差係有電腦但要俾錢上網 (31,290YEN)。
[是日消費]開餐：4,620YEN
交通：2,560YEN
住宿：30,660YEN
－－－－－－－－－－
總共：31,290YEN
註： 松島大觀莊向海景觀OK，早啲CHECK-IN可以向房裡面欣賞風景
沒有留言 :
發佈留言